《雲南Day 1 到達麗江古城後記》

        昨晚十點先到麗江，搵到客棧已經十一點。麗江機場沒有車直達古城區，要先坐大巴(每人$20人仔)到離古城1公里遠既藍天賓館，再轉的士直達客棧，如機場直接打的大約$80-120人仔，抵不抵視乎同行人數。建議第一晚在網上訂平客棧粗住，安頓好再到麗江古城四處逛逛邊條街岩自己心水(幽靜或熱鬧)，因為選擇太多，而照片同實際感覺差別都大，揀客棧除了考慮外觀，地區位置相當緊要，因為古城晚上華燈四起甚為壯觀，地勢較高既客棧觀景房先至睇到。



        小農昨夜客棧標間$58人仔，性價比高，最重要既熱水同暖氈都有，風筒亦夠力，位置是古城熱鬧既七一街既一條幽靜小巷，稍作安頓同宵夜就馬上休息，準備第二朝一早坐車入瀘沽湖。



        一般麗江入瀘沽湖有三種方法，一是在古城管理亭坐雙程大巴(正常$160人仔)， 去程一般是八點在大水車集合，回程call司機留位(1星期內)，必須早一天預約; 二是先到麗江客運站坐大巴至最近瀘沽湖既鎮仔寧蒗，再轉麵包車入瀘沽湖(每人$30人仔) ; 三是慢慢沿路玩入寧蒗再入瀘沽湖，好處是不用花七八小時純坐車。



冬天往瀘沽湖的山路無太陽會結冰雪，所以必須趕在太陽時間駛過危險既高山路段，小農坐既係朝早05:40開出既車，由於夜晚到達麗江古城時亭管已關，最後拜託客棧既義工打電話代訂，果然出外靠朋友。



        冬天麗江到瀘沽湖車程要八九小時，早上至少七點先有早餐食，故小農前一晚買定土豆餅同乾糧，不少得要有足夠食水。車程中司機會停車小休，但所到商店食物必坐地起價，連去公廁都要收$1人仔，呢個視乎妳為真理可以計較到多少，嫌麻煩大可花錢買方便，但離譜既係收費廁所衛生環境相當惡劣，有時甚至無水洗手，較可取方法是cool 爆硬闖，對付無賴就要比佢更無賴。

《雲南DAY 1 符合國情的昆明長水機場》

對於第二次來雲南既朋友黎講，昆明所謂景點其實無關痛癢，基本上昆明就係城市，同古城之類既雲南感覺無關，景點如雲南民族村其實好假，d少數民族載歌載舞等同海洋劇場d海豹咁，翠湖亦只係一個有大d 水塘既北區公園咁，去圓通寺就不如入大嶼山，稍微值得一提既係龍門，山景的確有d 睇頭，但山長水遠來雲南睇城市與山似乎有欠說服力。

今次小農既雲南遊，基於後面入瀘沽湖行程耗時甚久，深度旅遊的代價就是取捨某些景點，小農剛來到昆明機場，就要立即轉機去麗江，可惜人算不如天算，遇上大陸內航機公開既秘密，即無預示及通知兼臨近登機時間宣佈delay，就這樣凱在機場一天遊。

昆明機場近年先落實，外觀及衛生的確算是正，仲有幾分霸氣，不過最霸氣既機場就坐落香港，所以小農為香港爭光，無被拋窒。

機場硬件基本上齊備，餐飲咖啡店選擇多， 裝潢一般都比較緊貼國情，有兩間裝潢不錯(星巴克&麥咖啡)，不過機場消費甚高，所有國產coffee shop 平均$50人仔一杯咖啡up，居然仲賣貴過starbucks。小農原本打算去足療打發時間，但45分鐘服務索價$298人仔，結果還是打退堂鼓，繼續考察。

軟件方面不出所料，是hktv所描述的國情不同，成個機場都是銅臭的機制，書局齋睇唔買比人趕，疲弱機場freewifi逼你要入國情coffee shop消費(星巴克老麥沒有網絡提供)，不太見有機場官方旅客查詢counter反而到處只有旅行社大大隻字標示"旅客諮詢幫助"，機票delay查詢改簽受冷落敷衍，然後你心裡會喃喃嘆息what the fucking china。至於秩序方面，升降機爭先恐後等是司空見慣， 廁所有清潔工駐紮但依然陣陣"阿芒尼亞"芳香。

最後介紹一下機場交通配套，整體來說算ok ，唔計萬能的士，機場去市區方法有三，一是機場快線(巴士來的)，票價$20，要再轉車，速度ok; 二是公交車，有直達市中心路線，而且票價平，但比較慢同會暈 ; 三是地鐵，$5人仔25分鐘片到一個叫東部汽車站既交通樞紐， 算是快靚正， 但要睇你住邊頭，未必有車通哂昆明全市。