《我所理解的屋村仔》

1) 窮但最愛受尊重

屋村仔窮是少不免，若你老豆老味住完屋村致富又巧妙避開入息限制，恭喜你，唔洗哂時間，下面堆野你無同感唔岩睇。屋村仔既中學歲月大多係可恥，冇零用錢要捱餓儲食飯錢去消遣，最佳發育時段營養不足，搞到E家大個廢柴骨架無里自信；最怕係學校D著便服場合，近呢代中學雞好D，有四大屋村牌子掘起(排名不分先後︰U記, H&M, COTTON ON, G2000)，假假地都叫有件有牌子既$39純色TEE著，人地話你著黎著去都呢件，你都可以話我同一隻色買幾件，呢隻色易襯丫嘛！無錯，屋村仔跌左”咋”糖都要攞番”咋”沙，我有位LING U既屋村朋友，佢住HALL，話說有晚一班宿舍人講好晏D出去食糖水，佢明明無銀都詐雞應承，到咁上下時間就一下鎖門，D FD敲極門都唔應，第二朝見番面就扮哂野`：

「喂唔好意思呀！琴晚太攰唔小心訓著左。」

「你做SPIDERMAN？晚晚都太攰？打丁丁咪食完糖水番黎一齊囉X。」



2) 鬼辯大法

「走住黎X，無X用呀你！」雖則牛佬被集體恥笑，但其實是芸芸屋村仔最佳寫照，如前文所述，我地喜歡嬴得尊重，但礙於無出入開上流社會，眼界得咁窄，討論時唔夠人講是常識，但好似洪興B哥講打無驚過咁，我地嗌交唔會嗌輸，特別係對住D公子哥兒，點解？我地仲有野輸咩，唔簡─要啦，已經輸在起跑線，屋村仔夠無賴去鬼辯一切討論，人講宏觀你講微觀，人講英文你講中文，人講經濟你講歷史，總之將討論話題納番自己熟悉既事物上再9吹，朋友問你鍾唔鍾意旅行？鍾意！零舍鍾意鄉郊地方，喂不如下次約埋去大家鄉下行下，就我鄉下先啦，我鄉下係……….



3) 要掃掉一切牛鬼蛇神

黑格爾指出，人既自我是需要透過「外物」參照來認識、了解「自我」，屋村仔樹立對立面既數量是極致的，因為其「自我」是相對地空泛，父母一般未有太多的教育背景，不會從小跟你上倫理學課，價值判斷的基準從來都係「你我之辨」、「非我即彼」，具體黎講，其實是「對我有咩著數或影響」的問題，如答案是否，「你」便屬牛鬼蛇神，表面上是「為反而反」，實際上這是其存在感的來源。



4) 屋企總有一個睇死你既人

每個屋村仔背負既使命，就係衝出屋村，儘管你已像”One Flew Over the Cuckoo's Nest”中的瘋子一樣自願走進公屋被關，但曾幾何時你總有過發圍的衝動，像”The Shashank Redeption”的一句經典對白─「我提醒有些烏兒不能關進籠裡，牠們的羽毛太鮮艷了」，然而甚麼令你被體制化？屋企總有一個封建勢力，男的會被勸去做警察、公務員，女的會被勸去做空姐，讀唔讀得成書都其次，最緊要咬長糧，當你違背這些既定預設，屋村仔既下場就是被睇死既悲哀，當理想不能當飯吃，但連勇氣都放棄，何不連做人都放棄(你心諗)？最大糾結就是你仍然在公屋那張圓桌「扒飯」，說多也徒勞。



5) 曾經天真地相信維港真的水深港闊

屋村廢柴小學常識科介紹香港，劈頭第一句就係「維港水深港闊」，考試仲要你填番落去，其實維港就這麼一個淺灘，根本容不下我，現代香港玩緊既仲係「獅子山下」(就算以前其實都唔覺)拼搏機制？咪玩啦，「獅子山下」精神係最上面班人講比最下面班人聽，你係上面班人，你會想佢地由獅子山下爬上去？HI你真普選張BANNER轉個頭就比人拆啦，小時候你真的想過世界咁闊，獅子山任你舞都得，其實最後是「獅子山下置業」的遊戲，香港E家仲同你玩「維港水深港闊」？小！根本就是佔領資產的財技遊戲，像《喋血街頭》中世榮所言：「香港地講理想無理想，叻極都出唔到頭」，悲哀而又深刻既描述。





6) 雙刃刀的意志力

屋村仔比起其他階層出身既更具有毅力的天份，留意只是天份，不是純粹優良美好的毅力，價值判斷上屋村仔經常會用到這份意志力，好似《賽德克巴萊》入面段對白咁︰

「拿生命來換圖騰，那拿甚麼來換回這些年輕的生命？」

「驕傲！」

屋村仔認為自己條命唔值錢，唔怕死既人有咩驚？其實怕死既屋村仔係利用呢個推論黎合理化自己既行為，背後好大原因就係自尊心強，追求驕傲，我地已經買唔起樓生唔到仔去延續我地靈魂，HI你連我尊嚴都要拎埋？得閒同埋窮撚好恐怖，屋村仔符合哂呢個特徵，我床頭就有張報仇清單，得罪過屋村仔既人小心D！但係這種意志力是雙向的，當驕傲動搖，又會太宰治般的消沉，比起一般既沉更沉，甚至會一沉不起，自認廢柴，貌似《少林足球》入面既大師兄咁。





結尾我最討厭聽到不喜勿插，其實出文是娛人娛己，像這篇既是總結屋村仔，既是總結自己，即使每項都是缺點，BUT SO WHAT？醒啦柒頭！孔子都是每日省自己三次，落後人咁多都係省一次就灰？有唔掂就放棄不如連做人都放棄。或者你想會插我︰”係咁易講下就咪諗住企道德高地啦！”我會笑而不語，但心諗︰HI你我都係屋村仔黎，質疑你條友咪一樣是牛鬼蛇神？